ھندوستان کے زیر انتظام کشمیر کے سوپور میں کل سیکیورٹی فورسز کے ساتھ ھونے والے تصادم میں ایک عسکریت پسند کی ھلاکت کے بعد حالات کشیدہ ھو گئے۔
ھندوستانی میڈیا کے مطابق ضلع بارہ مولا کے ریبار ناپیر میں عسکریت پسندوں کے چھپے ھونے کی خفیہ اطلاع ملنے کے بعد سیکیورٹی دستوں اور خصوصی آپریشنز ٹیم نے سرچ آپریشن شروع کرتے ھوئے پورے علاقے کا محاصرہ کرلیا۔
سیکیورٹی دستے جیسے ھی اس علاقے کو سیل کر رھے تھے، اس دوران عسکریت پسندوں اور سکیورٹی فورسز کے مابین فائرنگ کا تبادلہ ھوا جس سے ایک عسکریت پسند ھلاک ھو گيا۔ واقعہ کے بعد لوگ سڑکوں پر نکل آئے اور مطاھرہ کیا جس سے حالات کشیدہ ھو گئے اور حکومت نے ، انٹرنیٹ اور تعلیمی ادارے بند کر دیئے۔
دوسری جانب ھندوستان کے وزیر داخلہ راجناتھ سنگھ ھفتہ کو کشمیر کے چار روزہ دورے پر سرینگر پھنچے۔
سری نگر پھنچنے کے فوراً بعد راجناتھ سنگھ نے وزیر اعلیٰ محبوبہ مفتی کے ساتھ علیحدہ میٹنگ کی ۔
سرکاری ترجمان کے مطابق میٹنگ کے دوران دونوں رھنماؤں نے ریاست کی صورتحال ، اتحاد کے ایجنڈے اور ریاست میں وزیراعظم کے ترقیاتی پیکیج کی عمل آوری پر تبادلہ خیال کیا ۔

Add comment