رھبر انقلاب اسلامی نے عراق اور شام میں مدافعان حرم کی شجاعت و فداکاری کو خراج تحسین پیش کرتے ھوئے فرمایا ہے کہ اگر مدافعان حرم نہ ھوتے تو آج اربعین کا یہ عظیم الشان مارچ نہ ھوتا۔
شھدائے مدافعان حرم کے اھل خانہ نے بدھ کو رھبرانقلاب اسلامی آیت اللہ العظمی سید علی خامنہ ای سے ملاقات کی۔ اس ملاقات میں آپ نے حالیہ برسوں کے دوران حرم اھلبیت اطھار علیھم السلام کا دفاع کرنے والے جانثاروں کو عباسی خلفاء کے دور میں اپنی جانوں کا نذرانہ پیش کرکے سید الشھدا حضرت امام حسین علیہ السلام کے حرم کا دفاع کرنے والے جانثاروں کے مشابہ قرار دیتے ھوئے فرمایا کہ اگر اس موقع پر مدافعان حرم کی فداکاری نہ ھوتی تو آج دنیا میں حضرت امام حسین علیہ السلام سے عشق و محبت کی عظمت و شوکت اور ھیبت پوری دنیا پر حکمفرما نہ ھوتی-
رھبرانقلاب اسلامی نے دنیا کے مختلف ملکوں سے بھت بڑی تعداد میں عاشقان اھلبیت کی اربعین حسینی میں شرکت کا ذکر کیا اور فرمایا کہ اس عظیم کارنامے کی بنیاد اور پھلی اینٹ ان لوگوں نے ھی رکھی ہے جنھوں نے سید الشھدا حضرت امام حسین علیہ السلام کی زیارت کے لئے اپنی جان کی قربانی پیش کی تھی اور اگر یہ لوگ کہ جنھوں نے وھاں جا کر مجاھدت کی ہے، نہ ھوتے تو دشمن کربلائے معلی سے چند کلومیٹر کے فاصلے یعنی امام حسین علیہ السلام کے حرم کے قریب تک پھنچ گیا تھا-
آیت اللہ العظمی سید علی خامنہ ای نے فرمایا کہ مدافعان حرم نے اسلام اور مسلمانوں کے سر سے دشمنوں کی بلا کو دور کر دیا اور ان نوجوانوں اور جوانوں نے عظیم کارنامہ انجام دیا ہے اور انشاء اللہ عالم اسلام بھت جلد ان جانثاروں کی فداکاریوں کی برکتوں کا مشاھدہ کرے گا-

Add comment