ایران کے وزیر خارجہ نے دو ایرانی شھریوں کے خلاف پابندی عائد کرنے سے متعلق امریکی وزارت خزانہ کے اقدام پر ردعمل کا اظھار کرتے ھوئے تاکید کے ساتھ کھا ہے کہ امریکہ نے استنبول میں سعودی مظالم اور یمن پر اس کی جارحیت سے رائے عامہ کی توجہ ھٹانے کے لئے ایران کے خلاف مزید پابندیاں عائد کر دیں۔
امریکی وزارت خزانہ نے افغان طالبان کے خلاف نئی پابندیوں کے نفاذ کا دعوی کرتے ھوئے آٹھ افراد منجملہ دو ایرانی شھریوں کو بھی پابندیوں میں شامل کر لیا۔
ایران کے وزیر خارجہ محمد جواد ظریف نے ٹوئٹ کیا کہ امریکی وزارت خزانہ بھول گئی ہے کہ واشنگٹن آج بھی طالبان گروہ کے ساتھ مذاکرات کر رھا ہے اور وہ ھمیشہ طالبان کی حمایت کرتا رھا ہے۔
امریکہ کی جانب سے ان پابندیوں کا اعلان ایسے وقت کیا گیا ہے جب استنبول میں سعودی قونصل خانے میں مخالف صحافی جمال خاشقجی کے قتل کی بنا پر سعودی عرب پر شدید عالمی دباؤ پڑ رھا ہے اور کوئی بھی ملک سعودی عرب کی صفائی کو قبول کرنے پر آمادہ نھیں ہے۔

Add comment