سری لنکا کے صدر نے وزیراعظم کو برطرف کرکے پارلیمنٹ کو 16 نومبر تک کے لیے معطل کردیا ہے۔
بین الاقوامی خبر رساں ادارے کے مطابق سری لنکا میں سیاسی بحران شدت اختیار کر گیا ہے۔ صدر متھری پالا سری سینا نے اپنے حلیف وزیراعظم رنیل وکرما سنگھے کو برطرف کرتے ھوئے موجودہ اپوزیشن لیڈر اور سابق صدر مھندرا راجا پاکسے کو نیا وزیراعظم مقرر کیا تھا۔
وزیراعظم رنیل وکرما سنگھے نے صدر کے احکامات کو رد کرتے ھوئے مستعفی ھونے سے انکار دیا اور اپنی اکثریت ثابت کرنے کے لیے اسپیکر سے پارلیمنٹ کا ھنگامی اجلاس بلانے کی درخواست کی جس پر سری لنکن صدر نے پارلیمنٹ کو ھی 16 نومبر تک معطل کردیا۔
دوسری جانب وزیراعظم رنیل وکرما سنگھے برطرف کیے جانے کے باوجود وزیراعظم ھاؤس میں اپنے دفتر میں موجود ہیں اور انھوں نے حلف اُٹھانے والے نئے وزیراعظم کو داخل ھونے نھیں دیا۔ سیاسی بحران کی وجہ سے سری لنکا میں اس وقت پارلیمنٹ معطل ہے اور ملک میں وزیراعظم ھونے کے دو دعویدار موجود ہیں۔
واضح رھے کہ 2015 میں ھونے والے انتخابات میں دس سال صدر رھنے والے راجا پاکسے کو شکست ھوگئی تھی اور محض 12 نشستوں کے فرق سے انھیں اپوزیشن لیڈر بننا پڑا تھا تاھم تین سال قبل بننے والی نئی حکومت کئی بار ہچکولے کھانے کے بعد اب ڈوبتی نظر آرھی ہے۔

Add comment