رھبرانقلاب اسلامی آیت اللہ العظمی سید علی خامنہ ای نے اتوار کے روز محکمہ شھری دفاع کے عھدیداروں سے خطاب کرتے ھوئے دشمنوں کے مقابلے میں زیادہ سے زیادہ ھوشیاری کی ضرورت پر تاکید فرمائی ہے۔
رھبرانقلاب اسلامی آیت اللہ العظمی سید علی خامنہ ای نے اتوار کے روز محکمہ شھری دفاع کے سربراہ اور دیگر حکام سے اپنے خطاب میں دشمنوں کی نت نئی دھمکیوں اور خطرات کے مقابلے میں شھری دفاع کی اھمیت کی طرف اشارہ کرتے ھوئے تاکید کے ساتھ فرمایا ہے کہ دشمنوں کی یلغار کے پیچیدہ طریقوں کے مقابلے میں اس ادارے کو بھی مکمل ھوشیاری سے کام لینے کی ضرورت ہے تا کہ جدید منطقی طریقے سے کسی بھی طرح کے نفوذ کا مقابلہ کیا جا سکے۔
آپ نے تمام شعبوں میں شھری دفاع کی اھمیت پر حکام کی توجہ کو ضروری قرار دیتے ھوئے فرمایا کہ ایران کے ذمہ دار عھدیداروں نے اگر اس مسئلے کو نھیں بروقت سمجھا اور محکمہ شھری دفاع کو لازمی ترقی نہ دی تو ایران کو مختلف طرح کے اور بعض اوقات ناقابل تلافی نقصان و خطرات کا سامنا کرنا پڑ جائے گا۔
آپ نے حکام پر زور دیا کہ وہ تمام میدانوں میں محکمہ شھری دفاع کے ساتھ ضروری اور بھرپور تعاون کریں۔

Add comment