ایران کی خارجہ تعلقات کی اسٹریٹیجک کونسل کے سربراہ کمال خرازی نے یمن پر سعودی عرب کے حملے کو ظالمانہ قراردیا اور کھا کہ عالمی برادری کو چاھئے کہ وہ یمن کی جنگ ختم کرانے کے لئے سنجیدگی کا مظاھرہ کرے۔
ایران کی خارجہ تعلقات کی اسٹریٹیجک کونسل کے سربراہ کمال خرازی نے ویانا میں آسٹریا کے سابق صدر ھائینس فیشر سے ملاقات میں کھا کہ سعودی عرب کے وحشیانہ حملوں کے نتیجے میں یمن کی انتھائی ابتر انسانی صورتحال پر مغربی ملکوں کی خاموشی افسوسناک ہے۔
انھوں نے ایٹمی معاھدے سے امریکا کے نکل جانے کے اور ایران پر دوبارہ اورنئی پابندیاں عائد کرنےکے ٹرمپ کے فیصلے کا ذکرکرتے ھوئے کھا کہ تھران ایٹمی معاھدے پر پوری طرح سے عمل کررھا ہے اور امریکا نے ایٹمی معاھدے کی خلاف ورزی کرکے ایک بار پھر ثابت کردیا ہے کہ اس پر اعتماد نھیں کیا جاسکتا۔
آسٹریا کے سابق صدر ھائینس فیشر نے بھی علاقے اور خاص طور پر یمن کی صورتحال کا ذکرکرتے ھوئے کھا کہ یمن میں جنگ اس ملک کے عوام کی تباھی و بربادی کا باعث بنی ہے اور ضرورت اس بات کی ہے کہ اس جنگ کو ختم کرانے کے لئے مواقع تلاش کئے جائیں۔
آسٹریا کے سابق صدر نے ایران مخالف امریکا کی نئی پابندیوں کا ذکرکرتے ھوئے کھا کہ ایرانی حکومت پابندیوں سے پیدا ھونے والی مشکلات پر قابو پانے کی صلاحیت رکھتی ہے۔
ایران کی خارجہ تعلقات کی اسٹریٹیجک کونسل کے سربراہ کمال خرازی یورپین فورم کے بائیسویں اجلاس میں شرکت کے لئے آسٹریا کے دورے پر ہیں۔

Add comment