اسلامی جمھوریہ ایران کے سینیئر ایٹمی مذاکرات کار اور نائب وزیرخارجہ سید عباس عراقچی نے کھا ہے کہ امریکی پابندیوں نے ایران کی معیشت کو نقصان پھنچانے سے زیادہ یورپ کی خود مختاری سلامتی اور وقار کو نشانہ بنا رکھا ہے۔
ایران کے نائب وزیرخارجہ سید عباس عراقچی نے جمعےکو اسپین کے دارالحکومت میڈریڈ میں ایک پریس کانفرنس میں اس بات کا ذکرکرتے ھوئے کہ ایران مخالف امریکی پابندیاں غیر قانونی اور اقوام متحدہ کی سلامتی کونسل کے منافی ہیں اس امید کا اظھار کیا کہ یورپ موجودہ صورتحال پر قابو پالےگا۔
انھوں نے ایٹمی معاھدے سے امریکا کے نکلنے کی جانب اشارہ کرتے ھوئے کھا کہ آئی اے ای اے نے اب تک تیرہ رپورٹوں میں اس بات کی تصدیق کی ہے کہ ایران نے ایٹمی معاھدے پر پوری طرح سے عمل کیا ہے ان کا کھنا تھا پھر بھی امریکا نے بلاسبب اس معاھدے سے نکلنے کا اعلان کیا اور ٹرمپ کے اس فیصلے کی وجہ سے اب مستقبل میں کوئی بھی ملک مذاکرات، سفارتکاری اور حتی اقوام متحدہ کی سلامتی کونسل کی ضمانت اور توثیق پر بھروسہ نھیں کرے گا۔
ایرانی نائب وزیرخارجہ نے اس پریس کانفرنس میں ایران اور اسپین کے تعلقات کا بھی حوالہ دیا اور کھا کہ ایٹمی معاھدے کے بعد ایران اور اسپین کے تعلقات نئے مرحلے میں داخل ھوئے ہیں اور اسپین کی تین ھزار سے زائد کمپنیاں ایران کے ساتھ کام کر رھی ہیں۔

Add comment