شامی فوج نے السویدا کے علاقے تلول الصفا سے دھشت گردوں کا صفایا کر دیا۔
رپورٹ کے مطابق شامی فوج ھفتے کے روز السویدا کے علاقے تلول الصفا کے علاقے میں داخل ھو گئی اور اس نے اس علاقے سے دھشت گردوں کا صفایا کر دیا۔
شام کے ایک فوجی ذریعے کا کھنا ہے کہ تلول الصفا کے علاقے سے دھشت گردوں کا صفایا کئے جانے سے تمام دھشت گردوں میں ھلچل مچ گئی اور وہ تلول الصفا اور تلول بوغانم کے درمیان واقع حائل علاقے میں فرار ھو گئے۔ اس علاقے کو شامی فوج نے کچھ عرصے قبل آزاد کرایا تھا۔
تلول الصفا سے دھشت گردوں کا صفایا کئے جانے کے دوران ابو ھاجر الشیشانی نامی داعشی دھشت گرد گروہ کا ایک سرغنہ بھی ھلاک ھو گیا۔
شامی فوج کے ایک ذریعے کے حوالے سے شام کی خبر رساں ایجنسی نے بھی رپورٹ دی ہے کہ شامی فوج کی مختلف یونٹوں نے دھشت گردوں کے خلاف آپریشن کرتے ھوئے دسیوں دھشت گردوں کو ھلاک کر دیا جبکہ اس علاقے سے بارودی سرنگوں کو صاف کیا جا رھا ہے جو داعشی دھشت گردوں نے بچھائی ہیں۔
یہ ایسے میں ہے کہ السویدا کے مشرقی صحرا کو مکمل طور پر دھشت گردوں کے وجود سے پاک کرنے کی کوشش بدستور جاری ہے۔
شامی فوج نے اسی طرح صوبے دیرالزور کے جنوب مشرقی علاقے البوکمال کے اطراف میں تازہ دم فوجی روانہ کر دیئے ہیں۔
شامی ذرئع ابلاغ نے اتوار کے روز اعلان کیا ہے کہ شامی فوج نے داعش دھشت گردوں کو روکنے کے لئے البوکمال کے اطراف میں واقع دریائے فرات کے پورے ساحل پر اپنے ٹھکانے مضبوط کر لئے ہیں۔
شامی فوج اور اس کے اتحادیوں نے مشرقی شام میں داعشی دھشت گردوں کے آخری ٹھکانے کی حیثیت سے شھر البوکمال کو دو ھزار سترہ میں دھشت گردوں کے قبضے سے آزاد کرایا تھا۔
شام کا یہ سرحدی شھر، عراق کے القائم شھر کے قرب واقع ہے جھاں داعشی دھشت گردوں نے اپنا ایک بڑا ٹھکانہ بنا لیا تھا۔
دوسری جانب شامی فوج نے دمشق کے مضافاتی علاقے ببیلا کے کھیتوں سے امریکی ساخت کے کافی ھتھیار برآمد کئے ہیں۔
یہ ھتھیار اس علاقے سے دھشت گردوں کے فرار کے بعد ملے ہیں جنھیں یہ دھشت گرد ھابڑ دابڑ میں چھوڑ کر چلے گئے۔ یہ ھتھیار امریکی ساخت کے ہیں۔

Add comment