دھشتگرد تکفیری و صھیونی ٹولے داعش نے ایک بیان جاری کر کے یمن میں مصروف جنگ سعودی اتحاد کے ساتھ تعاون اور انصار اللہِ یمن کے ساتھ اعلان جنگ کر دیا ہے۔
آئی آر آئی بی نیوز کے مطابق یمن میں حاضر داعشی دھشتگردوں نے ایک بیان جاری کر کے صوبہ مآرب کےالکسارہ علاقے میں یمنی فوج اور عوامی رضاکار فورس انصار اللہ کے ساتھ جنگ کی خبر دی ہے اور دعویٰ کیا ہے کہ انھوں نے انصار اللہ یمن کے جنگجوؤں کے ساتھ ہونے والی ایک محاذ آرائی میں انھیں جانی نقصان پہونچایا ہے۔
ساتھ ہی بیان میں یہ بھی دعوا کیا گیا ہے کہ انھوں نے یمنی فورسز کے دو فوجی اڈوں پر بھی اپنا قبضہ جما لیا ہے۔
حالیہ دنوں میں یمنی ذرائع ابلاغ نے صنعا حکومت کے ساتھ مقابلہ آرائی کے لئے مآرب صوبے میں دھشتگرد ٹولوں داعش اور القاعدہ کے کمانڈروں کی موجودگی کی خبر دی تھی۔
ابھی تک انصار اللہ یمن کی جانب سے اس سلسلے میں کوئی رد عمل سامنے نہیں آیا ہے تاہم یمن میں سرگرم سعودی اتحاد، داعش اور القاعدہ جیسے دھشتگرد ٹولوں کی مدد سے صنعا کی عوامی حکومت پر دباؤ ڈالنے کی کوشش کر رہا ہے اور اسی تناظر میں اُس نے یمن میں اپنے علاقائی اور غیر علاقائی اتحادیوں کی مدد سے مذکورہ دھشتگرد تکفیری ٹولوں کو سرگرم کرنے کی کوشش کی ہے۔

Add comment