آیت اللہ نوری ھمدانی:
اسلامی جمھوریہ ایران کے ایک مرجع تقلید اور بزرگ عالم دین آیت اللہ حسین نوری ھمدانی نے پاکستان میں شیعہ کشی کی مذمت کی ہے۔
آیت اللہ حسین نوری ھمدانی نے آج شھر قم میں پاکستان میں حالیہ دھماکوں کی مذمت کرتے ھوئے کہا کہ سلفی عناصر علاقے کے بعض ممالک کی مالی اور تشھیراتی حمایت سے پاکستان کے شیعہ مسلمانوں کا قتل عام کررھے ہیں۔ انھوں نے کھا کہ افغانستان، عراق، اور شام و پاکستان جیسے ملکوں میں گمراہ فرقہ وھابی شیعہ مسلمانوں کا قتل عام کررھا ہے۔ انھوں نے کہا کہ یہ سامراج اور گمراہ افراد کی سازشوں کا نتیجہ ہے۔ آیت اللہ ھمدانی نے وھابیت کو عالم اسلام کی بڑی مشکل قراردیا۔ انھوں نے مسلمانوں سے اپیل کی کہ ان مجرمانہ کاروائيوں پر احتجاج کریں۔
واضح رھے کراچی کے عباس ٹاون علاقے میں اتوار کی رات دو زبردست بم دھماکے ھوئے تھے جن میں پچپن افراد شھید اور دو سو کے قریب زخمی ھوئے ہیں۔ پولیس کے مطابق ان بم دھماکوں کا ھدف قریبی امام بارگاہ میں نماز ادا کرنے والے شیعہ مسلمان تھے۔
ادھر پاکستان میں شیعہ نسلی کشی کے خلاف پورے ایران کے حوزہ ھائے علمیہ سنیچر کے دن تعطیل ھونگے۔
فارس نیوز ایجنسی کی رپورٹ کے مطابق ایران کے حوزہ ھائے علمیہ کے شعبۂ تعلقات عامہ کے ڈائرکٹر سیدحسن طیب حسینی نے اعلان کیا کہ پاکستان میں شیعہ نسل کشی کے خلاف مراجع عظام کی جانب سے احتجاجی پروگرام کے پیش نظر سنیچر کو پورے ایران کے دینی مدرسوں کی چھٹی ھوگی۔
