داعش مخالف نام نھاد امریکی اتحاد کے جنگی طیاروں نے شمالی شام کے رقہ شھر میں دس سے زیادہ عام شھریوں کو جاں بحق کردیا۔
لبنان کی العھد ویب سائٹ نے رپورٹ دی ہے کہ رقہ کے مختلف علاقوں میں داعش مخالف امریکی اتحاد کے جنگی طیاروں کے حملوں میں دس سے زیادہ عام شھریوں کے مارے جانے کے ساتھ ھی متعدد شامی فوجی بھی زخمی ھوئے ہیں۔
امریکی اتحاد کے جنگی طیاروں نےگذشتہ ھفتے بھی شھر رقہ کے دوار النعیم نامی رھائشی علاقے کو نشانہ بنایا تھا جس میں چودہ افراد جاں بحق ھوئےتھے اور اس علاقے کی بنیادی تنصیبات اور رھائشی مکانات کو کافی نقصان پھنچا تھا۔
داعش مخالف بین الاقوامی اتحاد نے حال ھی میں ایک بیان میں اعلان کیا ہے کہ صرف جولائی میں عراق و شام پر امریکی اتحاد کی بمباری میں اکسٹھ عام شھری جاں بحق ھوئے ہیں۔
امریکہ اور اس کے کچھ اتحادی ممالک، اگست دوھزارچودہ سے داعش دھشتگرد گروہ کے خلاف جنگ کے بھانے اقوام متحدہ اور شامی حکومت کی اجازت کے بغیر اتحاد تشکیل دے کر اس ملک پر بمباری کر رھے ہیں۔

Add comment