یمنی فوج اور عوامی رضاکار فورس کے جوانوں نے سعودی جارحیت کے جواب میں صوبہ نجران میں سعودی فوجی اھداف کو نشانہ بنایا۔
دوسری جانب یمنی عوام نے سعودی حملوں میں مرنے والے بچوں کے علامتی تابوت کے ساتھ اقوام متحدہ کے دفتر کے سامنے زبردست احتجاجی مظاھرہ کیا۔
یمن کے المسیر ٹیلی ویژن کے مطابق فوج اور عوامی رضاکاروں نے، نجران کے علاقے میں سعودی فوجی اھداف پر حملہ کر کے سعودی اتحاد کے درجنوں فوجیوں کو موت کے گھاٹ اتار دیا۔
دوسری جانب اطلاعات ہیں کہ سعودی عرب کے جنگی طیاروں نے یمن کے مغربی صوبے حجہ کے علاقوں حرض اور میدی پر چار مرتبہ بمباری کی۔
اسی دوران سیکڑوں یمنی شھریوں نے صنعا میں اقوام متحدہ کے نمائندہ دفتر کے سامنے جمع ھو کر زبردست احتجاج کیا۔
مظاھرین اقوام متحدہ سے مطالبہ کر رھے تھے کہ وہ یمنی شھریوں کے خلاف سعودی عرب کے وحشیانہ حملے رکوانے کے لیے سعودی عرب پر دباؤ ڈالے۔
مظاھرین نے سعودی جارحیت اور محاصرے کے نتیجے میں شھید ھونے والے یمنی بچوں کے علامتی تابوت بھی اٹھا رکھے تھے اور وہ سعودی جارحیت پر عالمی اداروں اور خاص طور سے اقوام کے کمزور موقف کے خلاف نعرے لگا رھے تھے۔
اقوام متحدہ کا ادارہ تقریبا تین سال سے جاری سعودی جارحیت کو رکوانے میں حتی عام شھریوں پر حملے بند کرانے میں ناکام رھا ہے۔
سعودی عرب نے مارچ دو ھزار پندرہ میں یمن کے خلاف جارحیت کا آغاز اور مشرق وسطی کے اس غریب اسلامی ملک کا زمینی، فضائی اور سمندری محاصرہ کر رکھا ہے۔
امریکہ اور خطے کے بعد عرب اور مغربی ممالک یمن کے خلاف جارحیت میں سعودی عرب کی حمایت کر رھے ہیں۔
تقریبا تین سے سال سے جاری سعودی جارحیت میں کم سے کم تیرہ ھزار یمنی شھری شھید اور ھزاروں زخمی ھو چکے ہیں جبکہ لاکھوں افراد کو اپنا گھر بار چھوڑنے پر بھی مجبور ھونا پڑا ہے۔
سعودی عرب اور اس کے وحشی اتحادیوں کی جارجیت کے نتیجے میں یمن کا بنیادی ڈھانچہ بھی تباہ ھو گیا ہے اور اس ملک میں ھیضے سمیت متعدد بیماریاں تیزی کے ساتھ پھیلتی جا رھی ہیں۔
