اسلامی جمھوریہ ایران سمیت دنیا کے بھت سے ملکوں میں رسول اکرم (ص) کے یوم رحلت و وفات اور نواسہ رسول حضرت امام حسن مجتبی علیہ السلام کے یوم شھادت نیز آٹھویں امام حضرت امام علی رضا علیہ السلام کی شھادت کی مناسبت سے عزاداری کا سلسلہ جاری ہے۔
مشھد مقدس میں فرزند رسولۖ حضرت امام علی رضا علیہ الصلوات و السلام کے روضہ اقدس میں دسیوں لاکھ ملکی اور غیر ملکی زائرین عزاداری میں مصروف ہیں۔
پیغمبر اسلام حضرت محمد مصطفی صلی اللہ و علیہ و آلہ وسلم کے یوم رحلت اور سبط اکبر رسول حضرت امام حسن مجتبی علیہ الصلوات والسلام کے یوم شھادت نیز فرزند رسولۖ حضرت امام علی رضا علیہ الصلوات والسلام کی شھادت کی مناسبت سے پورے اسلامی جمھوریہ ایران میں عزاداری کا سلسلہ جاری ہے۔
ایران میں عزاداری کا سب سے بڑا اجتماع مشھد مقدس میں بارگاہ حضرت علی ابن موسی الرضاعلیہ السلام میں دیکھا جا رھا ہے جھاں ایران اور دنیا بھر سے آئے ھوئے دسیوں لاکھ زائرین موجود ہیں اور روضہ رضوی کے تمام صحن اور راھداریاں عزاداروں سے چھلک رھی ہیں۔
اس کے ساتھ ھی روضہ مبارک کے اطراف کی تمام شاھراھوں پر لوگ ماتمی دستوں کی شکل میں نوحہ خوانی اور سینہ زنی کرتے ھوئے بارگاہ رضوی کی جانب رواں دواں ہیں۔
قم میں حضرت فاطمہ معصومہ سلام اللہ علیھا کے روضے میں بھی لاکھوں ملکی اورغیر ملکی زائرین عزاداری اور سینہ زنی میں مصروف ہیں۔ شھر قم اور مضافاتی علاقوں سے چھوٹے بڑے ماتمی جلوس بھی برآمد ھو کر بارگاہ حضرت فاطمہ معصومہ کی جانب رواں دواں ہیں۔
دارالحکومت تھران کی تمام مساجد و امامبارگاھوں اور اھلبیت اطھار علیھم السلام کی برگزیدہ ھستیوں کے روضوں میں مجالس عزا منعقد کی جا رھی ہیں جن میں لاکھوں کی تعداد میں عزادار، رسولۖ اور آل رسول (ع) کی مصیبتوں کو یاد کر کے اشک غم بھا رھے ہیں۔
شیراز میں حضرت احمد ابن موسی شاہ چراغ کے روضے میں مجالس کا سلسلہ جاری ہے اور شھر اور اس کے اطراف سے آنے والے زائرین کی بڑی تعداد نوحہ خوانی اور سینہ زنی کر کے آپ کو آپ کے جد بزرگوار کا پرسہ دے رھی ہے۔
عراق کے مختلف علاقوں سے لاکھوں عراقی رسول اکرم(ص)کے یوم رحلت اور نواسہ رسول حضرت حسن (ع) کے یوم شھادت اور فرزند رسولۖ حضرت امام علی رضا علیہ اسلام کی شب شھادت کی مناسبت سے پرسہ دینے کے لئے امیر المومنین حضرت علی علیہ الصلوات و السلام اور اسی طرح کربلا، کاظمین و سامرا میں واقع ائمہ اطھار علیھم السلام کے روضہ ھائے مبارک میں موجود ہیں۔
نجف اشرف سمیت عراق کے مختلف مقدس شھروں میں لاکھوں ملکی اور غیر ملکی زائرین پیغمبر اسلام حضرت محمد مصطفی صلی اللہ علیہ و آلہ وسلم کے یوم وفات اور نواسہ رسول حضرت امام حسن مجتبی(ع) اور فرزند رسول حضرت امام علی رضا علیہ اسلام کی شھادت کا پرسہ دینے میں مصروف میں۔
اس رپورٹ کے مطابق عراق کے مختلف علاقوں سے کئی دن پھلے سے ھی عزادار حضرت رسول اسلام صل اللہ علیہ وآلہ وسلم اور آپ کے نواسے حضرت امام حسن اور حضرت امام علی رضا علیہ الصلوات و السلام کی عزاداری میں شرکت کے لئے نجف اشرف پھنچنا شروع ھو گئے تھے۔ اس رپورٹ کے مطابق اس وقت روضہ امیرالمومنین حضرت علی (ع) اور اس کے اطراف کی سڑکیں عزاداروں اور ماتمی دستوں سے مملو ہیں۔
رپورٹوں میں بتایا گیا ہے کہ نجف اشرف میں زائرین اور عزاداروں کی سیکورٹی کے لئے پولیس کے ساتھ ساتھ عوامی رضا کار فورس الحشد الشعبی کے دستے بھی تعینات کئے گئے ہیں۔
اسی کے ساتھ شام، لبنان، پاکستان، ھندوستان اور دنیا کے دیگر شھروں میں بھی رسول اکرم(ص)کے یوم رحلت اور نواسہ رسول حضرت حسن (ع) کے یوم شھادت اور فرزند رسولۖ حضرت امام علی رضا علیہ اسلام کی شھادت کی مناسبت سے عزاداری کا سلسلہ اور ماتمی دستوں کے برآمد ھونے کا سلسلہ جاری ہے۔

Add comment