غرب اردن اور بیت المقدس میں صھیونیوں کی جارحیتوں کا سلسلہ جاری ہے۔ اس درمیان صھیونی فوجیوں نے نابلس اور بیت اللحم پر حملہ کر کے بیس سے زائد فلسطینیوں کو گرفتار کر لیا جبکہ انتھا پسند صھیونیوں نے ایک بار پھر مسجد الاقصی کو نشانہ بنایا ہے۔
فلسطین کے انفارمیشن سینٹر نے خبر دی ہے کہ صھیونی فوجیوں نے بدھ کو غرب اردن کے شھروں نابلس اور بیت اللحم پر حملہ کر کے کم سے کم تیئیس فلسطینیوں کو گرفتار کر لیا-
فلسطینی قیدیوں کے امور کے ادارے نے ایک بیان میں کھا ہے کہ غاصب صھیونی فوجی آئے دن غرب اردن اور بیت المقدس میں فلسطینیوں پر حملہ کر کے سرگرم فلسطینیوں اور نوجوانوں کو گرفتار کر لیتے ہیں-
بیان میں کھا گیا ہے کہ صھیونی فوجیوں کے ھاتھوں فلسطینیوں کی یہ گرفتاری بلااشتعال ھوتی ہے- فلسطینی قیدیوں کے امور کے ادارے نے اپنے بیان میں کھا ہے کہ گذشتہ دو برسوں کے دوران تقریبا پندرہ ھزار فلسطینیوں کو گرفتار کیا گیا جن میں سے ترسٹھ فیصد فلسطینی غرب اردن اور تینتیس فیصد بیت المقدس کے تھے-
مذکورہ فلسطینی ادارے نے کھا ہے کہ اس وقت صھیونی جیلوں میں ھزاروں فلسطینی قید ہیں-
دوسری جانب انتھا پسند صھیونیوں نے بدھ کو ایک بار پھر مسلمانوں کے قبلہ اول مسجد الاقصی پر حملہ کر دیا-
اطلاعات ہیں کہ دسیوں انتھا پسند صھیونیوں نے جنھیں اسرائیلی فوجیوں کی حمایت حاصل تھی، باب المغاربہ کی جانب سے مسجد الاقصی پر حملہ کیا اور وہ مسجد کے مختلف حصوں میں گستاخانہ اور اشتعال انگیز طریقے سے دندناتے پھرتے رھے-
صیہونیوں نے مسجدالاقصی میں زبردستی تلمود نامی رسومات بھی ادا کیں اور اس کے بعد وہاں سے نکل گئے- مسلمانوں کے قبلہ اول مسجد الاقصی، جو بیت المقدس میں فلسطینیوں کا سب سے مقدس اسلامی مقام ہے، ہمیشہ انتہا پسند صیہونیوں کے حملوں کا نشانہ بنتی رہتی ہے-
صیہونی حکومت اپنے توسیع پسندانہ عزائم کی تکمیل کے لئے مسجد الاقصی کے خلاف برسوں سے سازشوں میں مصروف ہے اور اس مقدس مقام کی بے حرمتی کرتی رہتی ہے-
مسلمانوں کے قبلہ اول پر صیہونیوں کے حملوں کے خلاف احتجاج کرتے ہوئے فلسطینیوں نے اکتوبر دو ہزار پندرہ سے انتفاضہ قدس شروع کر رکھی ہے جس کے دوران اب تک تین سو اسّی سے زائد فلسطینی شہید ہو چکے ہیں-
