مغربی یمن کے صوبے الحدیدہ کے بیت الفقیہ شھر پر سعودی اتحاد کی بدھ کی رات کی بمباری میں کم سے کم انّیس عام شھری شھید اور دس دیگر زخمی ھو گئے۔
یمن میں العالم کے نامہ نگار نے رپورٹ دی ہے کہ سعودی اتحاد کے جنگی طیاروں نے الحدیدہ کے شھر بیت الفقیہ کے المسعودی نامی علاقے کے ایک بازار پر وحشیانہ طریقے سے بمباری کر دی جس میں انتیس یمنی عام شھری شھید و زخمی ھو گئے۔
الحدیدہ کے اسپتال کے ذرائع کا کھنا ہے کہ زخمیوں میں بیشتر کی حالت تشویشناک ہے جس کی بنا پر شھید ھونے والے افراد کی تعداد میں مزید اضافہ ھونے کا خدشہ پایا جاتا ہے۔
سعودی اتحاد کے جنگی طیاروں نے بدھ کے روز الحدیدہ پر بھی شدید حملہ کیا جس میں ایک بچہ سمیت تین یمنی شھری شھید اور چھے دیگر زخمی ھو گئے تھے۔
سعودی اتحاد تیرہ جون سے الحدیدہ پر قبضہ کرنے کے لئے شدید اور وحشیانہ حملے جاری رکھے ھوئے ہے۔
یہ ایسی حالت میں ہے کہ الحدیدہ کی بندرگاہ ھی یمنی عوام کی انسان دوستانہ امداد کا واحد راستہ ہے۔ یمن میں اقوام متحدہ کے انسان دوستانہ امور کی کوآرڈینیٹر لیزگرینڈ نے اعلان کیا ہے کہ یمن میں انسانی صورت حال تیزی سے ابتر ھوتی جا رھی ہے۔
انھوں نے الحدیدہ پر سعودی اتحاد کے وحشیانہ حملوں کی طرف اشارہ کرتے ھوئے کھا کہ ان حملوں کی بنا پر الحدیدہ کے لوگوں میں شدید خوف و ھراس پایا جاتا ہے۔
اقوام متحدہ نے بھی اعلان کیا ہے کہ مغربی صوبے الحدیدہ میں جنگ کے شدت اختیار کر جانے کے باعث ساڑھے پانچ لاکھ یمنی شھری بے گھر ھو چکے ہیں۔
سعودی اتحاد کی جانب سے یمن کے تمام تر محاصرے کے باوجود یمنی فوجی کی دفاعی توانائی میں مسلسل اضافہ ھو رھا ہے اور وہ سعودی عرب کی جارحیت کے جواب میں اس ملک کے مختلف جنوبی علاقوں میں قائم سعودی فوجی ٹھکانوں پر تابڑتوڑ میزائل حملے کر رھی ہے۔
سعودی عرب نے امریکا اور اسرائیل کی حمایت سے اور اتحادی ملکوں کے ساتھ مل کر چھبیس مارچ دو ھزار پندرہ سے یمن پر وحشیانہ جارحیتوں کا سلسلہ شروع کر رکھا ہے۔اس دوران سعودی حملوں میں دسیوں ھزار یمنی شھری شھید اور زخمی ھوئے ہیں جبکہ دسیوں لاکھ یمنی باشندے اپنے گھر بار چھوڑنے پر مجبور ھوئے ہیں۔
یمن کا محاصرہ جاری رھنے کی وجہ سے یمنی عوام کو شدید غذائی قلت اور طبی سھولتوں اور دواؤں کے فقدان کا سامنا ہے۔ سعودی عرب نے غریب اسلامی ملک یمن کی بیشتر بنیادی تنصیبات اسپتال اور حتی مسجدوں کو بھی منھدم کر دیا ہے۔

Add comment