ھندوستان کی وزارت خارجہ نے ایک بیان میں اعلان کیا ہے کہ تھران اجلاس چابھار کے منصوبے پر عمل میں تیزی لانے کے لئے نئی دھلی کے عزم کی علامت ہے۔
تھران میں ایران، ھندوستان اور افغانستان کے درمیان چابھار ٹرانزیٹ سمجھوتے پر دستخط کئے گئے ہیں۔تھران میں تعاون کے اس سمجھوتے پر ایران کے بحری جھاز رانی اور بندرگاھوں کے امور کے سربراہ محمد راستاد، ھندوستان کے نائـب وزیر خارجہ تیرو مورتی اور افغانستان کی وزارت ٹرانسپورٹ کے دفتری و مالی امور کے سیکرٹری امام الدین ویریمچ نے دستخط کئے۔
ایران کے پورٹ اور شیپنگ کے محکمے کے سربراہ محمد راستاد نے اس تقریب کے موقع پر گذشتہ مھینوں کے دوران چابھار کے راستے افغانستان کے لئے ھندوستان کی جانب سے گندم کی برآمدات کی طرف اشارہ کرتے ھوئے کھا کہ آئندہ دو ھفتوں میں ھندوستان کی کمپنی چابھار بندرگاہ سے عبوری طور پر استفادہ شروع کردے گی۔
واضح رھے کہ تینوں ملکوں نے تھران میں تعاون کے اس سمجھوتے کی بنیاد پر ایران، افغانستان اور ھندوستان کے درمیان تمام شعبوں میں تعلقات کے فروغ کے مقصد سے ٹرانزیٹ اور تجارت میں سھولیات کے لئے نجکاری کی ضرورت پر بھی تاکید کی ہے۔

Add comment