دنیا کے مختلف ملکوں اور خاص طور سے ایران کی گذرگاھوں سے عراق میں داخل ھونے والے ایرانی و غیر ایرانی زائرین حسینی کی تعداد میں مسلسل تیزی کے ساتھ اضافہ ھو رھا ہے اور تمام گذرگاھوں پر زائرین حسینی کی قطاریں لگی ھوئی ہیں جو اربعین کے ملین مارچ میں شرکت کے لئے عراق میں داخل ھو رھے ہیں۔
دنیا کے مختلف ملکوں اور خاص طور سے ایران کی گذرگاھوں سے عراق میں داخل ھونے والے ایرانی و غیر ایرانی زائرین حسینی کی تعداد میں مسلسل اضافہ ھو رھا ہے اور عراق میں داخلے کے لئے ایران کی مختلف سرحدی گذرگاھوں خاص طور سے شلمچہ سے زائرین حسینی کا سیل بیکراں گذر رھا ہے۔ زائرین کرام کا ٹھاٹیں مارتا ھوا سمندر ہے جو لبیک یا حسین کے نعرے بلند کرتے ھوئے کربلائے معلی کی جانب آگے بڑھ رھا ہے۔
اربعین حسینی کے ملین مارچ میں شرکت کے لئے عزاداروں کی تیزی سے بڑھتی تعداد کے پیش نظر زائرین حسینی کی سھولیات اورعراق میں داخل ھونے کے عمل میں تیزی لانے کی غرض سے شلمچہ پر چالیس گیٹ ایرانی زائرین اور بیس گیٹ غیر ملکی زائرین کے لئے قائم کر دیئے گئے ہیں۔
شلمچہ کی سرحد کی طرف جانے والے راستوں میں ٹھہرنے کے لئے چار سو پچاس عارضی کیمپ اور قیام و طعام کا مناسب انتظام کیا گیا ہے جھاں زائرین کرام کو مفت طبی خدمات بھی پیش کی جا رھی ہیں۔
ایران کے صوبے خراسان رضوی سے مختلف طبی ٹیمیں عراق روانہ ھو چکی ہیں جو عراق کے مقدس شھر نجف اشرف جانے والے زائرین کی طبی خدمات کے لئے وھاں مختلف علاقوں میں تعینات ھو رھی ہیں۔
ایران کے صوبے خراسان رضوی کی یہ طبی ٹیمیں اربعین حسینی تک دن و رات اپنی خدمات پیش کریں گی۔
یہ ایسی حالت میں ہے کہ ایران کے مختلف دیگر صوبوں سے طبی ٹیمیں اور انجمن ھلال احمر کے اھلکار عراق کے مختلف مقدس شھروں منجلہ نجف اشرف، کربلائے معلی، کاظمین اور سامرا میں تعینات ھو چکے ہیں۔
دوسری جانب ایران کے راستے عراق جانے والے پاکستانی زائرین کی آمد کا سلسلہ بدستور جاری ہے جس میں گذشتہ سال کے مقابلے میں پینتالیس فیصد کا اضافہ ھوا ہے۔
ایران کے صوبے سیستان و بلوچستان کے صدر مقام زاھدان سے ساٹھ ھزار سے زائد پاکستانی زائرین چھے سو بیالیس پاکستانی بسوں اور سات سو اکتیّس ایرانی بسوں کے ذریعے میرجاوہ سے عراق سے ملنے والی سرحدوں کے لئے روانہ ھو چکے ہیں۔
زائرین کی سھولیات کے لئے پاکستان سے ملنے والی سرحدی گذرگاہ پر بھی کئی گیٹ بڑھا دیئے گئے ہیں اور زائرین کے لئے گنجائش اور سھولیات کا خاص انتظام کیا گیا ہے۔ یہ ایسی حالت میں ہے کہ زائرین کے راستوں میں قیام و طعام کے لئے مختلف علاقوں میں موکب لگے ھوئے ہیں۔
ادھر عراق کے مختلف علاقوں سے بھی زائرین نجف اشرف پھنچ رھے ہیں اور صلاح الدین اور دیالہ صوبوں سے بغداد پھنچنے والے زائرین نیز وھاں موجود ایرانی زائرین کی بدولت اس شھر کا معنوی ماحول دیگرگوں ھو چکا ہے اور تمام راستے زائرین سے کھچاکھچ بھرے ھوئے ہیں۔
راستے میں ھر طرف عارضی کیمپ اور موکب لگے ھوئے ہیں جھاں زائرین کی پذیرائی کی جا رھی ہے۔ بڑی تعداد میں لوگ زائرین کو خدمات پیش کر رھے ہیں جن میں پایا جانے والا خلوص اپنی مثال آپ ہے۔
زائرین کربلائے معلی کی جانب رواں دواں ہیں جن میں عورتیں بچے بوڑھے جوان المختصر ھر سن کے افراد نظر آرھے ہیں۔ بعض زائرین دو ھفتوں تک پیدل سفر کرنے کے بعد کربلائے معلی پھنچے ہیں۔
عراق میں اربعین حسینی میں شرکت کے لئے عراق جانے والے زائرین کی حفاظت کے لئے ھر طرف سیکورٹی کا خاص بندوبست کیا گیا ہے۔

Add comment