رھبرانقلاب اسلامی آیت العظمی سیدعلی خامنہ ای نے مشرق و مغرب کی وابستگی سے نجات اور کفر و الحاد کی بساط لپیٹنے کے لئے معاشرے میں جذبہ جھاد و شھادت کے فروغ پر زور دیا ہے۔
صوبہ قزوین کے شھیدوں کی یاد میں منعقدہ کانفرنس کے منتظمین نے پانچ نومبر کو رھبر انقلاب اسلامی آیت اللہ العظمی سید علی خامنہ ای سے ملاقات کی تھی جس کی مکمل فوٹیج رسمی طور پر اتوار کی صبح اس کانفرنس کے دوران نشر کی گئیں۔
آیت اللہ العظمی سید علی خامنہ ای نے اس ملاقات میں صوبہ قزوین کے جغرافیائی، تاریخی اور تھذیبی محل وقوع کی جانب اشارہ کرتے ھوئے فرمایا کہ اس صوبے کے عمائدین، علما اور شھدا نیز اسلامی انقلاب اور دفاع مقدس کی عظیم آزمائش کے دوران اس صوبے کا کردار ھمارا قابل فخر سرمایہ ہے-
آیت اللہ العظمی سید علی خامنہ ای نے شھیدوں کو ملک کی حیات معنوی کی رونق اور انقلابی امنگوں اور اھداف کے حصول کی جانب تحرک کا سرچشمہ قرار دیا۔ آپ نے فرمایا کہ شھید اپنی حیات میں اسلام کی خدمت میں تن من کی بازی لگا دیتا ہے اور شھادت کے بعد روحانی ماحول پیدا کر کے اسلامی سماج کی خدمت کرتا ہے۔
رھبر انقلاب اسلامی آیت اللہ العظمی سید علی خامنہ ای نے فرمایا کہ شھیدوں کے پیغام میں الھی تاثیر پائی جاتی ہے اور ان کی یاد اس بیدار کن اور جگانے والے پیغام کو ھر ایک کے کانوں تک پھنچاتی ہے جو دلوں کو منقلب کرتی ہے۔
آپ نے فرمایا کہ اگر جھاد و شھادت کا جذبہ اسی طرح بیدار ھوتا رھے تو معاشرے میں مشرق و مغرب اور کفر والحاد کی جانب رجحان کا خاتمہ ھو جاتا ہے۔
آیت اللہ العظمی سید علی خامنہ ای نے ان لوگوں پر کڑی نکتہ چینی کی جو شھیدوں کی یاد کو بھلانے یا ان کے کارناموں کی عظمت کو گھٹانے کی کوشش کرتے ہیں۔
آپ نے فرمایا کہ اگرچہ دفاع مقدس کو تیس سال کا عرصہ بیت رھا ہے لیکن شھیدوں کی یاد نہ صرف یہ کے بھلائی نہھیں جائے گی بلکہ معاشرے میں ان کی یاد روبروز زیادہ ھو گی کیونکہ شھدا ھمارے لیے نمونہ عمل ہیں۔
رھبر انقلاب اسلامی نے شھیدوں کی یاد سے زیادہ سے زیادہ فائدہ اٹھانے اور ان کے کارناموں کے بارے میں عمیق فن پاروں کی تخلیق کی ضرورت پر بھی تاکید فرمائی۔
آپ نے فرمایا کہ بعض افراد شھیدوں کے حوالے سے مبالغہ آرائی سے کام لیتے ہیں حالانکہ شھیدوں نے خدا کی راہ میں اپنی جان اور آرزوئیں سب قربان کر دیں اور ان کا یہ عمل اس قدر اھم، عظیم اور بلند ہے کہ جس میں کسی قسم کی مبالغہ آرائی کی ضرورت ھی نھیں۔

Add comment