امریکہ کی سرکردگی میں قائم نام نھاد داعش مخالف اتحاد کے طیاروں کی بمباری میں شام کے کم سے کم چالیس عام شھری مارے گئے۔
دمشق میں دفاعی اور عسکری ذرائع نے بتایا ہے کہ نام نھاد داعش مخالف امریکی اتحاد کے جنگی طیاروں نے صوبہ دیرالزور کے مشرقی نواحی شھر ھجین کے بقعان نامی دیھات پر شدید بمباری کی ہے۔
امریکی طیاروں کی وحشیانہ بمباری میں عورتوں اور بچوں سمیت چالیس شامی شھری جاں بحق اور متعدد زخمی ھوئے ہیں۔
امریکی اتحاد کے جنگی طیاروں نے جمعرات کے روز بھی دیرالزور کے مشرقی نواحی علاقے سوسہ اور البوبدران پر بمباری کی تھی جس میں تیئیس عام شھری جاں بحق ھوگئے تھے۔
امریکہ اور اس کے اتحادیوں نے سن دوھزار چودہ میں داعش کے خلاف جنگ کے نام پر اتحاد قائم کیا تھا جس کے لیے نہ تو اقوام متحدہ سے منظوری لی گئی اور نہ ھی شام کی قانونی حکومت سے ایسا کوئی مشورہ کیا گیا۔
عراق اور شام میں امریکی اتحاد کے حملوں میں اب تک سیکڑوں عام شھری مارے جاچکے ہیں۔شام کی وزارت خارجہ اقوام متحدہ کی سلامتی کونسل سے بارھا مطالبہ کرچکی ہے کہ وہ امریکہ کی سرکردگی میں قائم غیر قانونی اتحاد کے حملوں کو بند کرائے۔

Add comment