نائیجیریا کے عوام نے ایک بار پھر اس ملک کے دارالحکومت ابوجا میں اسلامی تحریک کے رھنما آیت اللہ شیخ زکزکی کی حمایت میں مظاھرے کئے اور ان کی فوری رھائی کا مطالبہ کیا۔
نائیجیریا کے عوام نے ان مظاھروں میں آیت اللہ شیخ زکزکی اور ان کی اھلیہ کی گرفتاری کی مذمت کرتے ھوئے ان کی فوری رھائی کا مطالبہ کیا۔
واضح رھے کہ نائیجیریا کی فوج نے بارہ اور تیرہ دسمبر دو ھزار پندرہ کو چھلم امام حسین علیہ السلام کے موقع پر زاریا شھر میں ایک امام بارگاہ اور آیۃ اللہ شیخ زکزکی کے گھر پر حملہ کر کے ھزاروں شیعہ مسلمانوں کو شھید اور زخمی کر دیا تھا۔
نائیجیریا کی عدالت نے دسمبر دو ھزار سولہ میں آیت اللہ شیخ زکزکی کو رھا کئے جانے اور ان کے گھرانے کو ڈیڑھ لاکھ ڈالر کا تاوان ادا کئے جانے کا حکم سنایا مگر اس ملک کی فوج نے اس حکم کو نھیں مانا۔
نائیجیریا کی فوج آیۃ اللہ ابراھیم زکزکی اور ان کی اھلیہ کو زخمی کرنے کے بعد گرفتار کر کے لے گئی تھی۔ جس کے بعد سے جیل میں آیۃ اللہ زکزکی کی جسمانی حالت تشویش ناک بتائی جاتی ہے۔ فوج کی فائرنگ سے آیت اللہ زکزاکی کے تین بیٹے بھی شھید ھوئے تھے۔

Add comment