اسلامی جمھوریہ ایران کے صدر ڈاکٹرحسن روحانی نے اس بات پر تاکید کرتے ھوئے کہ ایرانی عوام امریکہ کے مقابلے میں کبھی نھیں جھکیں گے، کھا ہے کہ دشمن ایرانی عوام کو اسلامی انقلاب کی پشتپناھی سے دور کرنے میں ناکام رھے ہیں۔
صدر ڈاکٹر حسن روحانی نے صوبہ مغربی آذربائیجان کے شھر خوئی کے شھید چمران اسٹیڈیم میں تقریر کرتے ھوئے کھا کہ خدا کے لطف و کرم سے دشمن ایرانی قوم کو انقلاب کی حمایت سے دستبردار کرانے میں ناکام رھے ہیں اور ایرانی عوام نے تیرہ آبان مطابق چار نومبر کو امریکہ کے مقابلے میں استقامت کے دن میں تبدیل کر دیا اور دشمن کو منھ توڑ جواب دیا اور بائیس بھمن مطابق گیارہ فروری کو بھی ایرانی قوم امریکہ کو دوبارہ دنداں شکن جواب دے گی۔
صدر روحانی نے ایرانی قوم کے خلاف دشمنوں کی مسلسل سازشوں کی طرف اشارہ کرتے ھوئے کھا کہ دشمن سمجھ رھا تھا کہ ایرانی قوم کے خلاف اقتصادی دباؤ اور نفسیاتی جنگ کے ذریعے اپنے مقصد میں کامیاب ھو جائے گا اور ایرانی قوم کو گھٹنے ٹیکنے پر مجبور کردے گا مگر اس کا یہ خواب چکناچور ھو گیا۔
ڈاکٹر حسن روحانی نے کھا کہ استکبار اگر ایران کے تیل کی برآمدات منقطع، پڑوسی ملکوں کے ساتھ اس کے رابطہ ختم اور ایرانی عوام پر دباؤ ڈالنے کے درپئے ہے تو اسے جان لینا چاھئے کہ ایرانی عوام دشمن کی ھر سازش کو ناکام بنادیں گے۔
انھوں نے کھا کہ آج ایرانی عوام کے ساتھ ساتھ عراق، شام ، لبنان ، یمن ،افغانستان ، پاکستان اور عالم اسلام کے سبھی ملکوں کی اقوام اپنی استقامت و ایمان، اسلام اور خود مختاری کے تحفظ پر زور دے رھی ہیں اور علاقے کی سبھی اقوام کی ثابت قدمی سے سامراجی طاقتوں کو شکست کا سامنا کرنا ھوگا -
اسلامی جمھوریہ ایران کے صدر نے اس بات پر زور دیتے ھوئے کہ دشمن اس بات سے سخت ناراض ہے کہ ایران نے علاقے پر دھشت گردوں کو مسلط نھیں ھونے دیا کھا کہ امت اسلامیہ جب بھی ایران سے مدد چاھیں گے اسلامی جمھوریہ ایران اپنے فریضے پر عمل کرے گا اور دھشت گردی کے خلاف جنگ کے دور کی ھی طرح ان کی مدد کرے گا -

Add comment