ریاض میں بیٹھ کر لبنان کی وزارت عظمی کے عھدے سے استعفا دینے والے سعد حریری نے صدر میشل عون سے ملاقات کے بعد اپنا استعفا واپس لے لیا ہے۔
سعد حریری نے چار نومبر کو سعودی عرب کے دارالحکومت ریاض سے جاری ھونے والے ایک بیان میں اپنے عھدے سے استعفی دے دیا تھا، وہ اپنے مشکوک استعفے کے اٹھارہ روز کے بعد بدھ کو بیروت واپس پھنچے ہیں۔
خـبروں کے مطابق سعد حریری نے لبنان کے صدر میشل عون اور اسپیکر نبی بری کے ساتھ ملاقات کے بعد کھا ہے کہ انھوں نے صدر کی درخواست کو قبول کرتے ھوئے اپنے استعفے کو موخر کر دیا ہے تاکہ استعفے کی وجوھات کے بارے میں بات چیت کی جاسکے۔
سعد حریری نے یہ بات زور دے کر کھی کہ وہ علاقائی صورتحال سے ملک کو بچانے کے لیے صدر میشل عون کے ساتھ مکمل تعاون کریں گے۔
انھوں نے امید ظاھر کی کہ صدر میشل عون اور دیگر سیاسی رھنماؤں کے ساتھ بات چیت کے دوران ملک کو موجودہ حالات سے بچانے کا کوئی نہ کوئی راستہ نکل آئے گا۔
لبنان کے وزیراعظم نے یہ بات زور دے کر کھی کہ لبنان کی تمام سیاسی جماعتوں اور دھڑوں کو طائف معاھدے کی پاسداری کرتے ھوئے ملک کو علاقائی بحرانوں سے دور رکھنے کی کوشش کرنی چاھیے۔
انھوں نے کھا کہ لبنان کو اپنی غیرجانبدارانہ پالیسی پر عمل کرتے رھنا چاھیے۔لبنان کے وزیر اعظم نے کھا کہ وہ قومی مفادات کے دائرے میں ملک کی تمام سیاسی قوتوں کے ساتھ ٹھوس بات چیت کے لیے بھی تیار ہیں۔

Add comment