رھبر انقلاب اسلامی آیت اللہ العظمی سید علی خامنہ ای نے فرمایا ہے کہ دشمن نے خطے میں انقلابی اور اسلامی سوچ سے ابھرنے والی تحریک مزاحمت کو نابود کرنے کے لیے چاروں طرف سے حملے تیز کردیئے تھے، لیکن مومن اور بھادر جوانوں اور مردوں نے، داعش نام کے تکفیری سرطانی پھوڑے کو ختم اور دشمن کو گھٹنے ٹیکنے پر مجبور کردیا اور ایک بار پھر اس مفھوم کو عملی جامہ پھنایا ہے کہ ھم سب کچھ کرسکتے ہیں۔
ملک بھر سے آئے ھوئے عوامی رضاکارفورس بسیج کے جوانوں اور کمانڈروں سے خطاب کرتے ھوئے رھبر انقلاب اسلامی آیت اللہ العظمی سید علی خامہ ای نے فرمایا کہ اسلامی جمھوریہ ایران نے اللہ کی مدد و نصرت، امام خمینی رحمت اللہ علیہ کی بصیرت و ھوشیاری، نیز قوم کی مجاھدت کے ذریعے، اس اسلام کو جو مسلمانوں کی دیرینہ آروز تھی، ایک سیاسی نظام کی شکل میں متعارف کرایا اور اسکی داغ بیل ڈالی ۔
رھبر انقلاب اسلامی نے، قرآن کریم کی آیات کی روشنی میں راہ خدا میں استقامت کو، دنیا و آخرت دونوں میں اجر و ثواب کا موجب قرار دیا اور فرمایا کہ آج کا ایران، اسلامی انقلاب کی کامیابی کے ابتدائی برسوں کے مقابلے میں، سیکڑوں بلکہ ھزاروں گنا زیادہ ترقی یافتہ اور طاقتور ہے، یھی راہ خدا میں استقامت کا دنیوی اجر ہے۔
رھبرانقلاب اسلامی نے فرمایا کہ آج کی ایران کی مومن اور جوان نسل کہ جس نے نہ تو انقلاب کا دور دیکھا نہ امام خمینی کی حیات کے دور کا مشاھدہ کیا اور نہ ھی دفاع مقدس کو دیکھا پھر بھی خطے میں اپنے اثرات کررھی ہے اور یہ اسلامی انقلاب کا ایک معجزہ ہے ۔
رھبرانقلاب اسلامی نے فرمایا کہ ایرانی نوجوانوں نے امریکی سامراج کو گھٹنے ٹیکنے پر مجبور اور اس کو شکست سے دوچار کردیا ہے-
رھبر انقلاب اسلامی نے انقلابی جذبے کو داعش کے سرطانی پھوڑے کی نابودی کا حقیقی عامل قرار دیا اور فرمایا کہ دشمن اس غیر انسانی تکفیری گروہ کے ذریعے، تحریک مزاحمت کو حادثے سے دوچار کرنا چاھتا تھا لیکن مومن جوان، بھرپور جذبے اور لگن کے ساتھ مجاھدت کے میدان میں اترے اور دشمن کو گھٹنے ٹیکنے پر مجبور کردیا۔
آیت اللہ العظمی سید علی خامنہ ای نے بڑے واشگاف الفاظ میں فرمایا کہ ایران نے امریکہ، صھیونیزم اور خطے کے رجعت پسندوں کی پیھم سازشوں کو ناکام بنادیا ہے اور داعش کی نابودی بھی ان میں سے ایک ہے۔
رھبر انقلاب اسلامی نے باھمت جوانوں اور مومن انسانوں اور مزاحمت پر یقین رکھنے والوں کے ھاتھوں داعش کی نابودی کو عظیم کامیابی قرار دیتے ھوئے فرمایا کہ بعض ھمسایہ ممالک بھی اس بات کو قبول نھیں کرپا رھے تھے کہ داعش کو نابود کیا جاسکتا ہے لیکن جب وہ میدان میں اترے اور اپنی آنکھوں سے اس کامیابی کا مشاھدہ کیا تو انھیں اسلامی انقلاب کے اس پیغام پر یقین ھوگیا کہ ، ھمت ھو تو ھر کام کیا جاسکتا ہے۔

Add comment