کرپشن کے الزام میں گرفتار سعودی شھزادوں نے اپنی رھائی کے عوض بھاری رقوم کی ادائیگی کا سلسلہ شروع کر دیا ہے۔
سعودی عرب میں ایک باخبر ذریعے نے اپنا نام ظاھر نہ کرنے کی شرط پر بتایا ہے کہ ریاض کے فائیو اسٹار ھوٹل میں بند سعودی شھزادوں اور تاجروں نے اس معاھدے پر دستخط کر دیئے ہیں کہ جس کے تحت انھیں اپنی دولت کا ایک بڑا حصہ سرکاری خزانے میں منتقل کر کے رھائی کی پیشکش کی گئی تھی۔ اس معاھدے پر دستخط کرنے والے شھزادوں اور تاجروں کے خلاف کرپشن کے الزام میں کوئی کارروائی بھی نھیں کی جائے گی۔
سعودی حکام نے چار نومبر کو کرپشن کے خلاف مھم کے نام پر متعدد شھزادوں اور موجودہ و سابق سرکاری عھدیداروں کو گرفتار اور ان کے مالی اثاثے ضبط کر لیے تھے۔
گزشتہ ھفتوں کے دوران سعودی عرب میں چالیس سے زائد عھدیداروں اور شھزادوں کو گرفتار کر لیا جن میں سابق وزیر داخلہ اور موجودہ ولی عھد کے چچا احمد بن عبدالعزیز بھی شامل ہیں۔
اکثر سیاسدانوں کا خیال ہے کہ سعودی عرب میں بڑے پیمانے پر گرفتاریاں موجودہ ولی عھد محمد بن سلمان کی اقتدار پر گرفت مضبوط بنانے کی غرض سے انجام پائی ہیں۔

Add comment