یمنی فوج اور عوامی رضاکار فورس نے جنوبی سعودی عرب کے صوبے جیزان کے علاقے الخوبہ میں سعودی اتحاد کے ٹھکانوں کو میزائل سے نشانہ بنایا ہے۔
المسیرہ ٹیلی ویژن کے مطابق یمنی فوج اور عوامی رضاکار فورس کے میزائل یونٹ نے الخوبہ کے علاقے میں واقع سعودی فوجی اتحاد کے ٹھکانوں پر تین میزائیل داغے ہیں جس سے دشمن کو بھاری نقصان اٹھانا پڑا ہے۔
ایک اور اطلاع کے مطابق مغربی ساحلی علاقے التحیتا میں یمنی فوج کے حملے میں سعودی اتحاد کی دو فوجی گاڑیاں تباہ ھوگئیں اور ان میں سوار تمام فوجی ھلاک ھوگئے۔اس رپورٹ کے مطابق یمنی فوج اور عوامی رضاکاروں نے مشرقی جبل الدود کے علاقے میں سعودی اتحاد کے کنوائے پر توپ خانے سے گولہ باری کی ہے۔
صوبہ جیزان میں یمنی فوج اور عوامی رضاکار فورس کی ایک کارروائی میں متعدد سعودی فوجیوں کے مارے جانے کی خبریں موصول ھوئی ہیں۔یمنی فوج نے سعودی جارحیت کے جواب میں سعودی فوجی اتحاد کے ٹھکانوں پر حملے تیز کردیئے ہیں۔
دوسری جانب یمن کی انجمن علما نے عوام سے اپیل کی ہے کہ وہ سعودی جارحیت کے مقابلے میں وطن کا بھرپور دفاع کریں اور محاذ جنگ پر جانے کے لئے لازمی تربیت حاصل کریں۔
یمن کی انجمن علما نے یہ اپیل صوبہ الحدیدہ کے شھر بیت الفقیہ پر حالیہ سعودی جارحیت کے بعد کی ہے جس میں درجنوں عام شھری شھید اور زخمی ھوگئے تھے۔بیان میں یمنی عوام سے باہمی اتحاد و یکجھتی قائم رکھنے کی اپیل کرتے ھوئے کھا گیا ہے کہ دشمن کے فریب میں آنے والے لوگوں کو چاھیے کہ وہ قوم کی آغوش میں واپس آجائیں۔
سعودی حکومت کے جنگی طیاروں نے جمعرات کے روز صوبہ الحدیدہ کے شھر بیت الفقیہ پر بمباری کی تھی جس میں خواتین اور بچوں سمیت اکیس افراد شھید اور دس افراد زخمی ھوگئے تھے۔
یمن میں اقوام متحدہ کے انسان دوستانہ امور کی کوآرڈینیٹر لیزگرینڈ نے اعلان کیا ہے کہ یمن میں انسانی صورت حال تیزی سے ابتر ھوتی جا رھی ہے۔انھوں نے الحدیدہ پر سعودی اتحاد کے وحشیانہ حملوں کی طرف اشارہ کرتے ھوئے کھا کہ ان حملوں کی بنا پر الحدیدہ کے لوگوں میں شدید خوف و ھراس پایا جاتا ہے۔
اقوام متحدہ نے بھی اعلان کیا ہے کہ مغربی صوبے الحدیدہ میں جنگ کے شدت اختیار کر جانے کے باعث ساڑھے پانچ لاکھ یمنی شھری بے گھر ھو چکے ہیں۔اقوام متحدہ کے جاری کردہ اعداد شمار کے مطابق اس وقت چودہ ملین یمنی شھریوں بھوک کا سامنا ہے۔

Add comment