عمان کے سلطان قابو سے ملاقات کو نیتن یاھو کی اسرائیل واپسی تک خفیہ رکھا گیا جبکہ دونوں ممالک کے درمیان سفارتی تعلقات نھیں ہیں۔
اسرائیلی وزیراعظم بنیامین نتن یاھو سرکاری دورہ پر سلطنت عُمان پھنچ گئے۔ سرکاری ٹی وی کے مطابق اسرائیلی وزیر اعظم نتن یاھو اور ان کی اھلیہ سمیت اعلیٰ سطح کا وفد دار الحکومت مسقط پھنچا ہے، جھاں سلطان قابوس بن سعید نے اپنی رھائش گاہ بیت البرکہ میں ان کا استقبال کیا۔ اس دوران سلطان عمان اور نتن یاھو کے درمیان مشرق وسطیٰ امن منصوبے اور باھمی دلچسپی کے امور پر تبادلہ خیال کیا گیا۔
اسرائیلی ویزاعظم کے خفیہ دورے کے بارے میں اس وقت اعلان کیا گیا جب نتن یاھو اپنے وفد کے ساتھ اسرائیل لوٹ گئے تھے۔
گزشتہ چوبیس برسوں میں یہ کسی بھی اسرائیلی وزیراعظم کا خلیج فارس کے کسی بھی ملک کا دوسرا دورہ ہے، اس سے قبل 1994 میں اسرائیلی وزیراعظم اسحٰق رابین نے مسقط کا دورہ کیا تھا۔ 1996 میں عُمان اور اسرائیل تجارتی مکاتب کھولنے پر رضامند ھوگئے تھے، تاھم سال 2000ء میں فلسطینی تحریک انتفاضہ کے باعث عمان نے اسرائیل کے ساتھ تمام تعلقات منجمد کرلئے تھے۔

Add comment